Петропавлда бүлдіршіндер робот-полицей жасады
Солтүстік Қазақстан облыстық полиция департаменті баспасөз қызметінің ақпараты бойынша, мектепке дейінгі білім беру мекемесінде STEM-зертханасы өз жұмысын бастаған. Мұндағы алғашқы көрме жұмысы полиция саласындағы робот техникасына арналған.
«Арнұр Қаратай жол апатын болдырмау үшін көлік қозғалысын реттеуге міндетті робот-реттеушіні көрсетті. Таир Валеев гидроскутермен жүретін роботтардың бір жағдай бола қалған кезде қалай көмектесетінін айтты. Көтергіш кранның жұмысы туралы Маруан Байзақ баяндады. Бүлдіршіндер робот-эвакуаторларды, көтергіш крандарды, дрондарды, броньды машиналарды құрап шығарған. Жас өнертапқыштар олардың идеясының полиция жұмысына үлкен көмек болатынына сенімді», - деді баспасөз қызметінен.
Инновациялық идеяларды ұсынған балалардың әкелері құқық қорғау органдарында жұмыс істейді.
«Бұл полиция департаменті мен мектепке дейінгі білім беру мекемесінің бірлескен жобасы. Оның басты мақсаты - балалардың құқықтық санасын көтеру, полиция мамандығына құрметпен қарауға тәрбиелеу. «Цифрлық Қазақстан» бағдарламасы аясында балалардың инновациялық ойларын жүзеге асыратын алаң құру туралы идеяны қолдадық», - деп атап өтті Тылды қамтамасыз ету басқармасының бөлім бастығы Қазбек Ілиясов.