+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Петропавлда биыл тәрбиесі қиын 69 жасөспірім тіркеуге алынды

2020 жылғы 22 қараша 05:00
Бөлісіңіз:
Петропавлда биыл тәрбиесі қиын 69 жасөспірім тіркеуге алынды

ПЕТРОПАВЛ. ҚазАқпарат – Петропавлда полицейлердің бастамасымен «Қатыгездік пен зорлық-зомбылықсыз балалық шақ» атты екі апталық ақпараттық науқан өтті, деп хабарлайды ҚазАқпарат тілшісі.

Ұқсас жаңалықтар
СҚО-да Ұлттық табиғи парк директорына 23 млн теңге айыппұл салынды Президент Петропавлдағы колледжді мерейтойымен құттықтады СҚО-да полиция жүргізушілерді жолда абай болуға шақырды

Солтүстік Қазақстан облыстық Полиция департаменті баспасөз қызметінің мәліметінше, «Қатыгездік пен зорлық-зомбылықсыз балалық шақ» атты акцияның мақсаты отбасындағы қолайсыз атмосфера, мектептегі буллинг сияқты проблемаларға қоғамның назарын аударту. Петропавл қаласы Полиция басқармасының ювеналдық полиция қызметкерлері Zoom, онлайн бейнеконференциялар алаңы арқылы 38 дәріс пен әңгімелер ұйымдастырды. Полицейлер мектеп оқушыларына өз құқықтары мен міндеттері туралы, зорлық-зомбылық пен қатыгездіктің кез-келген түріне төзбеушілік туралы түсінікті тілде жеткізді. Сондай-ақ егер бала тұрмыстық зорлық-зомбылыққа ұшыраса немесе куәсі болса міндетті түрде хабарлауға шақырды.

Әлеуметтік педагогтар, психологтар, кәмелетке толмағандардың істері жөніндегі комиссияның және тұрғылықты жері бойынша қорғаншылық және қамқоршылық органдардың өкілдері полицияның есебінде тұрған 52 заңды өкілді, сондай-ақ тәуекел тобындағы 18 жасөспірімді тексерді.


Петропавл қаласы ПБ бастығының бірінші орынбасары Әлібек Ғабдуллиннің айтуынша, жыл басынан бері ювеналдық полицейлер 100-ден астам рейд жүргізіп, нәтижесінде 722 құқық бұзушы әкімшілік жауапқа тартылды. Көшелер мен ойын-сауық мекемелерін тексеру барысында 431 жасөспірім полицияға жеткізілді. Тәртібі қиын 69 жасөспірім анықталып, тіркеуге алынды.

Жалпы, қалалық Полиция басқармасының ювеналдық полициясында бүгінде 104 қолайсыз отбасы тіркеуде тұр.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT