+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Петропавлда бір топ жас ойыншық автомат ұстап, көшеге шыққан

2020 жылғы 12 қазан 19:34
Бөлісіңіз:
Петропавлда бір топ жас ойыншық автомат ұстап, көшеге шыққан

ПЕТРОПАВЛ. ҚазАқпарат – Петропавлда ойыншық автомат ұстап жүрген жастар анықталды, деп хабарлайды ҚазАқпарат тілшісі.

Ұқсас жаңалықтар
Талғат Қалиев: 30 пайыздық квотамен жастардың саяси істерге араласу деңгейі көтерілді

Солтүстік Қазақстан облысы Полиция департаменті баспасөз қызметінің мәліметінше, оқиға бүгін кешкі сағат 22.00 шамасында Петропавлдағы Қазақстан Конституциясы мен Алтынсарин көшелерінің қиылысындағы автотұрақта болған. Бұл жер – полицейлердің ұдайы назарында. Жастар жиі жиналатындықтан, тұрғындардан үнемі шағым түседі. Бұл жолы Жедел басқару орталығының қызметкерлері бейнекамера арқылы автомат ұстаған бозбаланы өзімен замандас бір топ жастың арасынан байқап қалады.

Ол жерге бірден Петропавл қалалық полиция басқармасының қызметкерлері жетті. Автоматтың ойыншық екеніне көз жеткізген тәртіп сақшылары жастармен профилактикалық әңгіме жүргізді. Яғни жасөспірімдерге сағат 23.00-ден кейін ата-анасыз жүруге болмайтынын, карантин талаптарын сақтау қажеттігін және топтасуға тыйым салынғанын ескертті.

«Жедел басқару орталығы бейнекамераларының құқықтық тәртіпті сақтауда атқарар рөлі зор. Олар қоғамдық және жол қозғалысындағы қауіпті учаскелерді бақылауға алған. Жұмыс барысында түрлі, кейде тіпті күлкілі жағдайлар болып жатады. Бірақ біз қауіп тудыруы мүмкін оның әрқайсын тексеруге міндеттіміз», - дейді Петропавл қалалық полиция басқармасы жедел басқару орталығының бастығы Нұрлан Мұхаметжанов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT