+7 (701) 759 90 19 Лента
USD 389.52 EUR 429.21
RUB 6.07 CNY 54.94
Jańalyqtar

Петропавлда бес қабатты үй өртенді

2019 жылғы 21 қыркүйек 19:07
Бөлісіңіз:
Петропавлда бес қабатты үй өртенді

ПЕТРОПАВЛ. ҚазАқпарат – Петропавлда бес қабатты үйден өрт шығып, тұрғындар қауіпсіз жерге шығарылды, деп хабарлайды ҚазАқпарат тілшісі.

СҚО Төтенше жағдайлар департаменті баспасөз қызметінің хабарлауынша, Петропавлдағы Н.Назарбаев көшесі, 109 мекенжайындағы бес қабатты үйден өрттің шыққаны жөнінде хабар «101» нөміріне 12.33 минутта кеп түскен.

Оқиға орнына жеткен өрт сөндірушілер бесінші қабаттағы 2 бөлмелі пәтердің жалындап жатқанын көреді. Подъездің жоғары қабатындағы баспаналар қалың түтінге оранып үлгеріпті. Өрт сөндірушілер жалынмен алыса жүріп, 20 тұрғынды, соның ішінде 4 баланы қауіпсіз жерге шығарды.

Мамандардың айтуынша, өрт жарты сағатқа жетер-жетпес уақытта толықтай сөндірілді. Көрші пәтерлер зардап шеккен жоқ. Жалынды ауыздықтауға 3 арнайы техника мен 16 адам жұмылдырылды.

Өрттің салдарынан ас бөлмесіндегі жиһаз жанып кетті, сондай-ақ пәтер ыстан зардап шекті. Қазіргі уақытта өрттің шығу себебі және келген шығын мөлшері анықталып жатыр.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT