+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Петропавлда аялдаманың әйнегін шаққан бойжеткен сотталды

2021 жылғы 2 қыркүйек 18:47
Бөлісіңіз:
Петропавлда аялдаманың әйнегін шаққан бойжеткен сотталды

ПЕТРОПАВЛ. ҚазАқпарат – Петропавлда спирттік ішімдік ішіп, аялдаманың әйнегін шағып тастаған 20 жастағы бойжеткенге сот үкім шығарды, деп хабарлайды ҚазАқпарат тілшісі.

Ұқсас жаңалықтар
СҚО-да әкімшілік қамаудан босаған ер адам көлік айдап кеткен Эпиджағдай нашарлайтын болса, Солтүстік Қазақстан толық локдаунға қайта оралмақ Алматыда қылмыс деңгейі 5,4% төмендеді

Солтүстік Қазақстан облысы Полиция департаменті баспасөз қызметінің мәліметінше, бүгін Петропавлда Н.Назарбаев көшесіндегі аялдаманың әйнегін сындырған бойжеткенге қатысты сот үкімі шықты.

Петропавл қалалық әкімшілік құқық бұзушылық бойынша мамандандырылған соты қоғамдық орында мас күйде құқықбұзушылық жасаған облыс орталығының тұрғынын 434 баптың 1 бөлігі - «Ұсақ бұзақылық» бойынша кінәлі деп тапты. Бойжеткен сот үкімімен 3 тәулікке қамауға алынды.

Естеріңізге салайық, 1 қыркүйек күні сағат таңғы 5.00 шамасында Петропавл тұрғыны полицияға хабарласып, құрылыс-экономикалық колледждің маңындағы әйнек аялдаманы біреулердің сындырғанын айтқан еді. Полицейлер бұзақыларды сол жерде ұстады.

«Аялдама павильондарын бұған дейін де бұзақылар зақымдап келді. Биыл қаңтар айында бірден үш аялдаманы қиратқан жігіттерге қылмыстық іс қозғалды. Олар мұндай құқық бұзушылыққа арақтың буымен барады», - дейді Петропавл қалалық полиция басқармасының бөлім бастығы Рустам Садулов.

Жалпы СҚО-да жыл басынан ұсақ бұзақылық жасағандарға қатысты 2300-ден астам әкімшілік хаттама толтырылған.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT