ФУТБОЛДАН ӘЛЕМ ЧЕМПИОНАТЫ-2022

Петропавлда алғашқы қар жауды

2022 жылғы 27 қыркүйек, 09:33
Петропавлда алғашқы қар жауды

ПЕТРОПАВЛ. ҚазАқпарат – Түнде Петропавлда алғашқы қар жауды, деп хабарлайды ҚазАқпарат тілшісі.

Әлеуметтік желі қолданушылары көк-сары ағаштарға жауған қардың түсірілімдерін бөлісіп жатыр.

Қар басқан шатырлар, көліктер, орындықтар қыстың жақындағанын еске салады.

Петропавлда таңғы сағат 8:00-де термометр нөл градусты көрсетті. Қалада күндіз үш градус ыстық болады.

Түскі асқа дейін бұл сұлулықтың бәрі еріп кетуі мүмкін.

Биыл қыркүйек айы солтүстікқазақстандықтарды ұзақ уақыт бойы жылы, тіпті ыстық ауа райымен қуантты.

26 қыркүйек күні ауа температурасы күрт төмендеді. Апта өңірде толассыз жаңбырмен басталған еді.

Былтыр облыста алғашқы қар 28 қыркүйекте жауған болатын.


Серіктестер жаңалықтары

Jańalyqtar