+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Петропавлда АӘК алатын отбасыларға азық-түлік жиынтығы таратылып жатыр

2020 жылғы 11 наурыз 20:53
Бөлісіңіз:
Петропавлда АӘК алатын отбасыларға азық-түлік жиынтығы таратылып жатыр

ПЕТРОПАВЛ. ҚазАқпарат – Солтүстік Қазақстан облысында атаулы әлеуметтік көмек алатын, табысы аз отбасылардың балаларына кепілдік берілген әлеуметтік жиынтықты тарату іс-шарасы басталды, деп хабарлайды ҚазАқпарат тілшісі.

Еңбек, әлеуметтік қорғау және көші-қон комитеті СҚО бойынша департаментінің мәліметінше, азық-түлік жиынтығы балалардың жасына байланысты ерекшеленеді. 1 жастан 3 жасқа дейін және 3 жастан 6 жасқа дейін екі санат бойынша беріледі. Бірақ, әлеуметтік жиынтықтың құрамы республика бойынша бірдей.

«Жиынтық физиологиялық ерекшеліктерді, азық-түліктің тағамдық және энергетикалық құндылығының ара қатынасын және жасқа сәйкес оларды пайдалану нормаларын ескере отырып, Денсаулық сақтау министрлігінің ұсынымдары негізінде құрылған. Өнімдер дәруменге бай, бұл өсіп келе жатқан ағзадағы дәрумендердің жетіспеушілігін өтеуге мүмкіндік береді», - дейді мамандар.

1-ден 3 жасқа дейінгі балаларға арналған жиынтыққа сүт, печенье, ботқа, дақылдардың қауызы және балалар пюресі енген. 3 жастан 6 жасқа дейінгі балаларға арналған азық-түлік жиынтығы сүттен, макароннан, сұлы қауызынан, күнбағыс майынан, гематогеннен, таңғы асқа арналған өнімнен, балалар печеньесінен, арпа, қарақұмық жармасынан, бұршақ пен балдан тұрады.

Петропавл қаласы бойынша 1-3 жас аралығындағы балаларға 197 азық-түлік жиынтығы, ал 3-6 жас аралығындағыларға 168 пакет таратылмақ.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT