+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Петропавлда 3 дәріханада дәрі бағасы негізсіз қымбаттап кеткен

2020 жылғы 14 шілде 19:56
Бөлісіңіз:
Петропавлда 3 дәріханада дәрі бағасы негізсіз қымбаттап кеткен

ПЕТРОПАВЛ. ҚазАқпарат – Солтүстік Қазақстан облысында дәріханалардың қызметі қатаң бақылауға алынып, күнделікті тексеріліп жатыр, деп хабарлайды ҚазАқпарат тілшісі.

Ұқсас жаңалықтар
Коронавирус инфекциясын емдеу хаттамасына өзгеріс енгізілді 1 млн науқасты қамтамасыз ететін дәрі-дәрмек сатып алынған СК-Фармация COVID-19-ды емдейтін дәрі-дәрмектің 91 түрін сатып алған

СҚО Сыбайлас жемқорлыққа қарсы қызметтің мәліметінше, өңірде 303 дәрхана болса, соның 106-сы Петропавлда орналасқан. Олардың әрқайсысы сыбайлас жемқорлыққа қарсы қызмет жанынан құрылған жұмыс тобының бақылауында. Топқа облыстық мәслихаттың депутаттары, қоғамдық және үкіметтік емес ұйымдардың және мүдделі мемлекеттік органдардың өкілдері енген.

«Петропавл дәріханаларындағы дәрі-дермектің бағасы мен олардың бар-жоғы тексеріледі. Елімізде вирусқа қарсы препараттарға бағаның өскенін көріп отырмыз. Сондай-ақ қоғамдық мониторинг бұл дәрілердің жетіспеушілігін анықтады», - дейді Сыбайлас жемқорлыққа қарсы іс-қимыл агенттігінің СҚО бойынша департамент жетекшісі Ернар Баянғазин.

Жұмыс тобы барған дәріханалардың бірі – «Биосферада» дәрі-дәрмектің қымбаттағаны байқалмаса да, ыстық түсіретін «парацетамол» сияқты сұранысқа ие препараттар тапшы.

СҚО-ның бас санитар дәрігері Серікбай Қасмақасовтың айтуынша, сұранысқа ие және елімізде тапшылық байқалған 41 дәрі-дәрмекке облыста күнделікті мониторинг жүргізіледі.

«Петропавл бойынша 8 топ құрылған. Олар дәріханаларды аралап, 41 дәрі-дәрмек бойынша мәлімет жинайды. Біз бұл препараттар бойынша облыс әкіміне және комитетке есеп береміз. Үш күннің ішінде үш ұйымда бағаның негізсіз өскені анықталды. Төрт дистрибьютор бойынша да тексеріс жүргізіледі. Қазіргі уақытта препараттар бойынша дүрлікпе сұраныс жоқ. Парацетамол болмаған жағдайда, оның орнына ыстық түсіретін басқа дәрі-дәрмек бар», - дейді Серікбай Қасмақасов.

Жағдайды тұрақтандыруға өңір тұрғындары да өз үлесін қоса алады. Дәрі-дәрмекке қатысты заңбұзушылықты байқаған жағдайда қоғамдық бақылау картасының 8 - 707 - 564 - 14- 24 телефон нөміріне хабарласу қажет. Қазіргі таңда сыбайлас жемқорлыққа қарсы қызметке тәулігіне 10 шақты осындай хабарлама түседі екен.

Егер дәрі-дәрмек бағасына күмәндансаңыз, DARI.KZ қосымшасы арқылы немесе Adilet-ке кіріп, Қазақстан Республикасы Денсаулық сақтау министрінің бекітілген бұйрығы арқылы тексере аласыз.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT