22:26, 14 Мамыр 2018 | GMT +6
Петропавлда 22 жастағы жігітті өлтірген күдікті ұсталды
ПЕТРОПАВЛ. ҚазАқпарат - Петропавлда 22 жастағы жігітті өлтірген күдікті ұсталды, деп хабарлайды ҚазАқпарат тілшісі.
Айта кетейік, 9 мамырда қаланың орталығында орналасқан дәмхананың маңында ер адамның денесі табылды.
СҚО ІІД баспасөз қызметінде мәлім етілгендей, жүргізілген сот-медициналық сараптама жабық бас сүйек-ми зақымын көрсетті.
«Бұл факті сотқа дейінгі тергеудің бірыңғай тіркеліміне ҚР ҚК 106-бабы 3-бөлігі «Денсаулыққа қасақана ауыр зиян келтiру» деп енгізілді», - деп түсіндірді баспасөз қызметінде.
Күдікті - РФ Қорған облысының тумасы, 25 жастағы Петропавл тұрғыны.
Фото: vmestezp.org