+7 (701) 759 90 19
USD 419.96 EUR 510.88
RUB 5.72 CNY 64.97
Jańalyqtar

Петропавл тұрғыны әлеуметтік желіде діни мазмұндағы аудиофайлдарды таратқан

2020 жылғы 4 желтоқсан 22:58
Бөлісіңіз:
Петропавл тұрғыны әлеуметтік желіде діни мазмұндағы аудиофайлдарды таратқан

ПЕТРОПАВЛ. ҚазАқпарат – Петропавлда әлеуметтік желіде экстремистік сипаттағы материалдар таратқан әйелге айыппұл салынды, деп хабарлайды ҚазАқпарат тілшісі.

Ұқсас жаңалықтар

Солтүстік Қазақстан облысы Полиция департаменті баспасөз қызметінің мәліметінше, Петропавлдың 48 жастағы тұрғыны «ВКонтакте» әлеуметтік желісінде діни мазмұндағы аудиофайлдарды жариялап келген. Мұны мониторинг жасау барысында Экстремизмге қарсы іс-қимыл басқармасының қызметкерлері анықтаған. Жазбаларға діни сараптама жасалып, оның ел ішінде алауыздық тудыруды, қоғамның діни тұтастығын бұзуды мақсат еткен, Қазақстан аумағына кіргізуге тыйым салынған кітаптарды насихаттағаны анықталды.

Петропавл қаласының мамандандырылған әкімшілік соты аудиожазбаларда талқыланған туындылар экстремистік сипаттағы деп танып, әйелге 20 АЕК мөлшерінде айыппұл салды.

СҚО ПД Экстремизмге қарсы іс-қимыл басқармасының бастығы Руслан Жарасбаевтың айтуынша, «Діни қызмет пен діни бірлестіктер туралы» ҚР Заңының 9-бабына сәйкес діни әдебиетті, діни мазмұндағы өзге де ақпараттық материалдарды, діни мақсатта қолданылатын басқа да заттарды тек мешіт-шіркеулерде сондай-ақ жергілікті атқарушы органдар арнайы белгілеген орындарда таратуға ғана болатынын ескертеді. Қазіргі таңда СҚО-да осындай рұқсаты бар 15 нысан жұмыс істейді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT