+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Петропавл көшесінде түнде екі жасөспірім мас жүрген

2021 жылғы 20 маусым 02:00
Бөлісіңіз:
Петропавл көшесінде түнде екі жасөспірім мас жүрген

ПЕТРОПАВЛ. ҚазАқпарат – Петропавлда полицейлер түнде көшеде мас жүрген екі жасөспірімді анықтады, - деп хабарлайды ҚазАқпарат тілшісі.

Ұқсас жаңалықтар

Солтүстік Қазақстан облысы полиция департаменті баспасөз қызметінің мәліметінше, Петропавлда «Түнгі қаладағы балалар» атты жедел-профилактикалық іс-шара өтіп жатыр. 17 маусым басталған операция 20 маусым аяқталады. Полицейлер мен волонтерлер рейдке шығып, жасөспірімдер тарапынан және оларға қатысты жасалатын қылмыстардың алдын алуды мақсат еткен.

Тәртіп сақшыларының айтуынша, түнгі сағат 23.00-ден кейін кәмелетке толмағандар заңды өкілдерінсіз көшеде жүре алмайды. Рейд барысында полицейлер көңіл көтеру орындарына басымдық береді. Нәтижесінде балаларын түнде бақылаусыз жіберген 8 ата-ана әкімшілік жауапкершілікке тартылды.

Сондай-ақ жасөспірімдерге спирттік және темекі өнімдерін сатуға тыйым салынған. Соған қарамастан түнде қала көшесінде мас жүрген екі жасөспірім анықталды. Олардың әке-шешесі де жауапкершілікке тартылды.

«Әсіресе каникул кезінде жасөспірімдер өздерін «ересек» етіп көрсеткілері келеді. Жалпы рейдтік іс-шараларды өткізуге бізге волонтерлер көмектеседі. Дәмханалар, компьютер клубтары, парктер мен саябақтар тексеріледі. Ал күндіз сауда орындарын, базарларды, автокөлік жуу орындарын тексереміз. Мақсатымыз балаларға қатысты еңбек заңнамасының бұзылуына жол бермеу», - дейді Петропавл полиция басқармасы ювеналды полиция бөлімінің бастығы Эльмира Абушева.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT