+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Петропавл халықаралық әуежайы банкрот деп танылмақ

2020 жылғы 22 қазан 09:58
Бөлісіңіз:
Петропавл халықаралық әуежайы банкрот деп танылмақ

ПЕТРОПАВЛ. ҚазАқпарат – Петропавл халықаралық әуежайы қызметкерлері бірнеше айдан бері еңбекақысыз отыр. Олардың алашағы 24 млн теңгеге жуық, деп хабарлайды ҚазАқпарат тілшісі.

СҚО әкімі баспасөз қызметінің мәліметінше, Петропавл халықаралық әуежай қызметкерлері онлайн түрде өткен өңір басшысы Құмар Ақсақаловтың қоғамдық қабылдауына қатысты.

Мамандардың айтуынша, елде карантиндік шектеулер енгізілгелі олардың жағдайлары қиындаған. Қазір компания қызметкерлеріне еңбекақы бойынша 24 млн теңге шамасында берешек.

«Екі айдың ішінде әуежай банкрот деп танылу үшін арнайы процедураны өтеді. Компания «Солтүстік» әлеуметтік кәсіпкерлік корпорациясының балансына өтеді. Яғни, мемлекет меншігіне алады. Келер жылдың бюджетіне әуежайды ұстауға қажет қаражатты енгіздік. Барлық шығын жергілікті бюджет есебінен өтеледі», - деді СҚО әкімі Құмар Ақсақалов.

Нәтижесінде бұрынғы рейстерден бөлек, жаңа бағыттар бойынша да ұшақтар шығарылмақ. Мамандардың жұмыс орны сақталып қалады және еңбекақылары да өспек.

Петропавл халықаралық әуежайы осыдан 4 жыл бұрын күрделі жөндеуден өтті. Қазір Петропавл халықаралық әуежайынан Нұр-Сұлтан, Алматы, Шымкент қалаларына ғана рейстер бар.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT