+7 (701) 759 90 19
USD 417.9 EUR 503.07
RUB 5.64 CNY 64.7
Jańalyqtar

Павлодарлық полицейлер аязда жолда қалған Түркия азаматына көмектесті

2021 жылғы 17 қаңтар 15:32
Бөлісіңіз:
Павлодарлық полицейлер аязда жолда қалған Түркия азаматына көмектесті

ПАВЛОДАР. ҚазАқпарат – Павлодар облысы полиция департаментінің бастығы Нұрлан Мәсімовтің атына Түркия азаматы Самсун Ақғабаттан алғыс хат келіп түсті. Онда Ресейден Түркияға жүк апара жатқан Самсун Ақғабат көлігінің соляркасы қатып, жолда қалған кезінде өзін құтқарған полиция қызметкерлеріне алғыс айтқан, деп хабарлайды Рavlodarnews.kz.

Ұқсас жаңалықтар
Автобус пен жеңіл көлік соқтығысы: 7 жастағы балаға ота жасалады 1 наурыз. ҚазАқпарат күнтізбесі СҚО полицейлері көлігімен жолда қалған Түркия азаматына көмектесті

Павлодар облысы полиция департаменті патрульдік полиция ротасы қызметінің аға инспекторы Арман Ғинаятовтың айтуынша, 16 қаңтарда сағат 03.20-да серіктесі Төлеубай Құдабергеновпен бірге Павлодар - Қызылорда автожолын патрульдеу кезінде жол жиегінде тұрған «Мерседес» жүк көлігін көрген.

Жүргізуші Қазгидромет орталығының ескертуіне қарамастан, бірнеше күн бұрын Ресей Федерациясынан Түркияға жүкпен шыққан.

«Ер адам жүкті уақтылы жеткізу керек болған соң жолға шыққанын айтып, ақталды. Көліктің соляркасы қатып қалған екен және қайда хабарласу, жүгіну керек екенін білмеген. Екі сағаттан астам уақыт тұрып, тоңып қалған», - дейді ол.

Тәртіп сақшылары Түркия азаматын қызметтік көліктің салонына отырғызып, ыстық шай бергеннен кейін ең жақын дәмханаға апарып, тамақтандырғаннан соң түнейтін орын тауып берген. Өздері көлікті жылы боксқа алып кетті.
Полицейлерге риза болған ер адам оларға алғыс айтып, жұмыстарына сәттілік тіледі.
Айта кетерлігі, бүгінгі таңда облыс автожолдарымен патрульдік полицияның 12 экипажы жүреді. Олардың міндеті - жолдағы құқық бұзушылықтарға жол бермеу және жолда қалған жүргізушілер мен жолаушыларға көмек көрсету.
Павлодар облысының полиция департаменті алыс сапарға шықпауға және ауа райы мен жолдардың жағдайы туралы хабарламаларды ескеруге кеңес береді.
Жолда қиын жағдайға тап болған жолаушылар тәулік бойы ішкі істер органдарының бөлімшелерінен 102 нөмірі бойынша көмек сұрай алады.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT