+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Павлодарлық келіншектің қызы анасынан ажырамай қатты жылады - Балиева

2016 жылғы 29 қазан 11:20
Бөлісіңіз:
Павлодарлық келіншектің қызы анасынан ажырамай қатты жылады - Балиева

АСТАНА. ҚазАқпарат - Астанадағы Оқушылар сарайында басталған балаларды асырап алушы ата-аналар мен тәлімгерлер форумы аясында журналистерге сұxбат берген Балалардың құқықтарын қорғау жөніндегі уәкіл Зағипа Балиева өзінің кішкентай қызын соққыға жығып, балағаттаған павлодарлық келіншектің ондай әрекетке не үшін барғанын жан-жақты зерделеу керек деп санайды. Ол аталған отбасының бір келісімге келіп, шешесін аналық құқығынан айырмайтынына сенеді, деп xабарлайды ҚазАқпарат тілшісі.

"Иә, біз видеоны көрдік. Шыны керек, барша қазақстандықтар елең етті. Өкінішке орай, ондай отбасылар әлі бар. Енді, видео жарияланғаннан кейін бәріміз ол туралы білдік. Біз не істедік? Бірден Павлодарға звондадық. Сөйтсе, ол жақтағы мамандар тиісті шараларды қолға алған екен. Бәрін дұрыс істеді. Олар алдымен сол үйге барып, баланы алып қойып, балалар үйіне апарып тастады. Себебі анасының әрекетіне баға беру керек. Оған қоса, баланың қауіпсіздігі мәселесі тағы бар. Білуімше, баланы алып кетерде ол анасынан ажырамай, қатты жылады. Қазір бала көңілді, қарны тоқ. Әкесі мен әжесіне тапсырылды. Оның алдында бір-екі күндей балалар үйінде болды", - дейді З.Балиева.

Оның сөзіне қарағанда, қазіргі кезде тергеу амалдары жүріп жатыр. Одан кейін сот болады. Сол жерде бәрі шешіледі. Балалардың құқықтарын қорғау жөніндегі уәкілдің аталған процедураларға қатысуға құқығы жоқ. Алайда ол павлодарлық келіншекті ана құқығынан айырмайды деп сенеді.

"Меніңше, бәрін анық қарау қажет. Себебі шешесін құқығынан айыру оңай. Бірақ ондай мінез қайдан шықты? Ол қылықтарға не себеп болды? Осыны жан-жақты зерделеу керек. Мүмкін, кішкене уақыт беріп, әкесі мен әжесі отырып, бір келісімге келеді. Ең бастысы, балаға зиян тимесе болды. Кім біледі, ананың қандай жағдайға ұрынғанын",-деп атап көрсетті xалық қалаулысы.

Еске салсақ, павлодарлық әйел өзінің үш жасар қызын соққының астына алып, оны видеоға түсіріп алған. Кейін бейнетүсірілімді Іnstagram әлеуметтік желісінде жариялады. Құқық қорғау органдары, Павлодар облысының білім басқармасы оқиғаға бірден әрекет етіп, балдырғанды балалар үйіне алып кеткен.

Кейін анықталғандай, 32 жастағы әйелдің екі қызы бар. Үлкені 2-сыныпта оқиды. Әке-шешесінің некесі тіркелмеген. Бірақ отбасы балаларға барлық қажетті жағдаймен абаттандырылған үш бөлмелі пәтерде тұрады.

Кеше, 28 қазан күні әкесі қызын жетімдер үйінен алып кетті. Бірінші некеден туған үлкен қызы нағашы әжесінің қолында.

«Қамқорлық кеңесі әкесі қызын алып кету үшін оң шешім шығарды. Әдетте комиссия тұрғын үй актісін, учаскелік қызметкердің мінездемесін, жұмыс орнынан анықтама, басқа да құжаттарды қарайды. Іс ата-ана құқығынан айыру немесе шектеу шешімін шығару үшін сотқа берілді», - деді облыстық білім басқармасы басшысының орынбасары Е. Дәуренов.

Ал қыздың анасы баласын аяусыз ұрғаны үшін кешірім сұраған тағы бір видео жазған көрінеді.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT