+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Павлодарлық Иманбектің «Roses» ремиксі Billboard чартында көш бастады

2020 жылғы 5 желтоқсан 15:02
Бөлісіңіз:
Павлодарлық Иманбектің «Roses» ремиксі Billboard чартында көш бастады

НҰР-СҰЛТАН. ҚазАқпарат – Қазақстандық музыкант Иманбек Зейкеновтің SAINt JHN атты әншінің «Roses» композициясына жазған ремиксі АҚШ-тың Billboard музыкалық журналында топ жарды, деп хабарлайды ҚазАқпарат тілшісі.

Бұл танымал ремикс жыл қорытындысы бойынша «Үздік би/электроникалық әндер» санатында бірінші орында тұр.

Imanbek Remix лақап атымен танымал Иманбек Зейкенов – ақсулық диджей және музыкалық продюсер. Ол Saint jhn «Roses» әніне жазған ремикстен кейін танымал болды. Бұл трек «Үздік ремикс» номинациясында 2020 жылғы Грэмми сыйлығына ұсынылды.

Иманбек Зейкенов қазір де Ақсу қаласында ата-анасымен бірге тұрып жатыр. Биыл ол Торайғыров университетіне оқуға түсті, бірақ қазір қашықтан оқиды. Музыканттың айтуынша, танымал болып кеткен «Roses» ремиксін жасау үшін бар болғаны 2 сағат 20 минут уақыты кеткен.

Айта кетсек, «Грэмми» сыйлығының жеңімпаздарын жариялау 2021 жылдың 31 қаңтарында өтеді. Ал 20 жастағы музыкантымыз танымал әлемдік әртістермен бірлесіп, ортақ жоба дайындап жатыр.


Фото: instagram.com/imanbekmusic


Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT