+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Павлодарлық дәрігерді зорлаған таксистің ісі: Тергеуші қызметінен қуылды

2019 жылғы 4 қазан 21:26
Бөлісіңіз:
Павлодарлық дәрігерді зорлаған таксистің ісі: Тергеуші қызметінен қуылды

ПАВЛОДАР. ҚазАқпарат – Павлодарда дәрігер қызды зорлап, ұялы телефонын тартып алған таксистке қатысты істі тергеумен айналысқан полицейлер жазаланды, деп хабарлайды ҚазАқпарат тілшісі.

Ұқсас жаңалықтар

«Сөзбұйдаға жол бергені және тергеу сапасының төмен болуына байланысты Өзіндік қауіпсіздік басқармасы Павлодар полиция басқармасының қызметкерлеріне қатысты қызметтік тергеу жүргізді. Оның нәтижесінде, тергеуші лауазымынан босатылды. Бірнеше басшы тәртіптік жазаға тартылды», - деп мәлім етті Павлодар облыстық Полиция департаментінің бастығы генерал Амантай Әубәкіров.

Еске салайық, 1 қазан күні жәбірленуші мен оның қорғаушысы А.Әубәкіровтың жеке қабылдауында болды. Ал бүгін ПД басшысы Өзіндік қауіпсіздік басқармасы облыстық Полиция департаментінің қызметкерлеріне қатысты қызметтік тергеуді бастағанын мәлім еткен еді.

Оқиға биыл, 1 маусымнан 2 маусымға қараған түні болған. Әпкесі мен ағасы кешке InDriver мобильдік қосымшасы арқылы такси шақырған. Жүргізуші қыздың ағасын бірінші жеткізіп тастап, емханада дәрігер болып жұмыс істейтін өзін одан әрі әкеле жатқан. Бірақ үйіне жетер-жетпес жерде көліктің есіктерін бұғаттап, қызды зорлаған. Бұған қоса, құны 280 мың теңге тұратын «Айфон-8» телефонын алып қойып, өзін машинадан шығарып жіберген.

Жәбірленуші полицияға жүгінгеннен кейін күдіктінің туыстары оның ізіне түсіп, 100 мың теңге ұсынған және арызын қайтып алуды сұраған.

Авторы: Антон Гагарин

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT