Павлодардағы тамырын кескен жігіт: Сотқа дейінгі тергеу басталды

ПАВЛОДАР. ҚазАқпарат – Оқиғаны тергеу Қылмыстық кодекстің 105-бабы бойынша жүргізілуде, деп хабарлайды ҚазАқпарат тілшісі.

«Аталған факті негізінде ҚР ҚК 105-бабы (өзіне қол жұмсауға дейін жеткізу) бойынша сотқа дейінгі тергеу басталды», - деп хабарлады Павлодар облыстық полиция департаментінің баспасөз қызметі ҚазАқпарат тілшісіне.

Полицейлердің айтуынша, ҚР Қылмыстық процессуалдық кодексінің 201-бабы бойынша тергеу мүддесіне сай басқа ақпарат берілмейді.

Еске сала кетейік, Павлодарда жұмысшы жалақы төлемеген кәсіпорынның басшылығына барып, сол жерде тамырын кескен болатын. Бұл туралы Павлодар облысының еңбек басқармасы хабарлады.