Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Павлодардағы балабақшада болашақ журналистер тәлім алуда

2018 жылғы 5 желтоқсан 22:26 58
Бөлісіңіз:
Павлодардағы балабақшада болашақ журналистер тәлім алуда

АСТАНА. ҚазАқпарат - Павлодардағы №126 сәбилер бақшасы - балалардың эстетикалық даму орталығында сараптама кеңесінің кезекті отырысы өтті, деп хабарлайды pavlodarnews.kz.

Ұқсас жаңалықтар
Қазақстанның тәуелсіздігі Башқұртстан астанасында аталып өтті «ARES» рейтингі: ҚазҰУ еуропалық жетекші университеттер қатарына қосылды

Қалалық білім беру бөлімінің мектепке дейінгі сектор әдіскері Нұргүл Нұрғалиеваның айтуынша, ай сайын мәртебесі бар балабақшалардың инновациялық қызметі бойынша сараптама кеңесі ұйымдастырылады. 

Павлодардағы балабақшада болашақ журналистер тәлім алуда 

- Қалада мәртебеге қол жеткізген мұндай жеті балабақша бар, - дейді Нұргүл Нұрғалиева. - Бүгін № 126 сәбилер бақшасының тәрбиешілері бес жылдың ішіндегі жеткен жетістіктері бойынша өз тәжірибелерімен бөліседі. Бұл мекемеде режиссура, әдеп, эстетика, бейнелеу өнері, хореография бойынша оқытушылар бар. Қорытынды бөлімде «Жайдары Күнкей» мюзиклдың алғашқы көрсетілімі ұсынылды. Спектакль қазақ ұлттық ертегілер желісінде қойылған. Осы мюзикл арқылы көптілде білім беру, дикция, театралдық шеберлік, хореография жағынан балалардың  шеберліктері мен қабілетін көруге болады.

Павлодардағы балабақшада болашақ журналистер тәлім алуда 

Балабақша меңгерушісі Марина Зыкина мекеме балалардың эстетикалық даму орталығы мәртебесін 1996 жылы алғанын айтады.

Павлодардағы балабақшада болашақ журналистер тәлім алуда 

- «ТВ балалары» телеарнасының жас журналистерi сұрақ қойып, жауап беруді үйренеді және шағын жаңалықтарды айтады, - дейді Марина Зыкина. - Бүгін олар  «Бізді біл» теле бағдарламасын ұсынады. Сонымен қатар, екі айда бір рет балабақшада болып жатқан оқиғалар туралы газет шығып тұрады. Барлық мамандар шығармашылықты дамыту бойынша жұмыс істейді. Ертегі немесе көрме ұйымдастырылады. Дизайн студиясында жақтаулар мен құмыраларды безендіріп, оның барлығы балабақша  және үй интерьерінде қолданылады. Елбасының тапсырмасына сәйкес бүлдіршіндер қазақ, орыс және ағылшын тілдерін меңгеруде.

Павлодардағы балабақшада болашақ журналистер тәлім алуда 

Айта кетерлігі, мектепке дейінгі білім беру мекемесі биыл республикалық «Би бала» байқауында «Огоньки севера» биімен бірінші орынды иеленген. Былтыр жыл сайын өтетін Dionis республикалық байқауында «Көркем сөз» номинациясы бойынша жеңіске жеткен. Қазіргі таңда мұнда 342 балғын тәлім-тәрбие алуда.

 

 

Біздің каналымызға жазылыңыз:

Басты сөздер: Білім, Павлодар облысы,
Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT