Павлодарда су алып кеткен көшені тазалау жұмыстары жүріп жатыр

ПАВЛОДАР. ҚазАқпарат - Су алып кеткен П. Васильева көшесін апатпен күрес қызметінің өкілдері тазалауда, деп хабарлайды ҚазАқпарат тілшісі.

Павлодар қаласы әкімдігінің баспасөз хатшысы Салтанат Әкімбекова: «Құбырына зақым келген үйге су жіберу тоқтатылды. Қазір апатпен күрес қызметінің өкілдері суды құдықтан сорғытуда,-деп хабарлады. 

Апат қалалық су арнасы желісінде орын алды. П.Васильева көшесінің басым бөлігін су басты.

Жергілікті тұрғындардың хабарлауынша, бұл аймақта осындай зор көлемдегі проблема алғаш рет болып отыр. Қала билігі төтенше жағдайды жедел түрде ауыздықтауға уәде берді.

Павлодардың тұрғын үй коммуналдық шаруашылығы, жолаушылар көлігі және автожолдар бөлімінің ақпаратынша, суық су жүретін құбыр жарылған.