+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Павлодарда салынып жатқан ғимарат қирап, үйінді астында қалған 3 адам ауруханаға жеткізілді

2021 жылғы 17 маусым 21:51
Бөлісіңіз:
Павлодарда салынып жатқан ғимарат қирап, үйінді астында қалған 3 адам ауруханаға жеткізілді

ПАВЛОДАР. ҚазАқпарат - Павлодарда құрылыс жүріп жатқан үй құлап, салдарынан үш адам жарақат алды. Зардап шеккендер №1 қалалық ауруханаға жеткізілді, деп хабарлайды ҚазАқпарат облыстық төтенше жағдайлар департаментіне сілтеме жасап.

Департаменттің Instagram парақшасындағы мәліметке сенсек, Павлодарда Торайғыров көшесі, 75/3 мекенжайында салынып жатқан үш қабатты үй жартылай құлаған.

Оқиға туралы хабарлама сағат 19:39-да келіп түскен.

Оқыс жайттың орын алуына едендердің бұзылуы себеп болған. Е кі қабаттағы құлаған аумақтың алаңы - 60 шаршы метр.

«Төтенше жағдай орнына Павлодар облысы ТЖ департаментінен 12 қызметкер мен 3 техника, апаттар медицинасы орталығынан 3 қызметкер және 1 техника жедел шықты. Құтқарушылар зардап шеккен үш ер адамды тапты. 1987 жылғы ер адам жабық бассүйек ми жарақаты, бас миының шайқалуы, санның жыртылуы, 1996 жылғы ер адам жабық бассүйек ми жарақаты, бас миының шайқалуы, оң қолының жыртылуымен жəне 1993 жылғы ер адам нақтыланбаған диагнозбен ауруханаға жеткізілді. Апаттар медицинасы орталығының қызметкерлері алғашқы медициналық көмек көрсетті» деп хабарлайды ТЖД.

Құқық қорғау органдары Қазақстан Республикасы ҚК 277-бабы бойынша сотқа дейінгі тергеуді бастады.

Оқиғаның себеп-салдары анықталып жатыр.


Біздің каналымызға жазылыңыз:

Бөлісіңіз:

Автор:

Жанат Қапалбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT