15:08, 13 Қаңтар 2022 | GMT +6
Павлодарда өрт сөндіруші отқа оранған үйден газ баллонын алып шықты
ПАВЛОДАР. ҚазАқпарат – Павлодарда өрт сөндіруші жанып жатқан бір қабатты үйден газ баллонын алып шықты. Оқиға қалалық «Энтузиаст» бау-бақша шаруашылығында болды, деп хабарлайды ҚазАқпарат тілшісі.
«№3 өрт сөндіру бөлімшесінің құтқарушысы 27 литрлік газ баллонын сыртқа шығарып үлгерді.
Өрт Павлодар қаласының «Энтузиаст» бау-бақша шаруашылығында орын алған», - деп мәлімдеді Павлодар облысының Төтенше жағдайлар департаментінің баспасөз қызметі.
«101» пультіне өрт туралы хабар 21:35-те келіп түскен. Кірпіштен тұрғызылған бір қабатты үйдің ағаш құрылмалары 80 шаршы метр ауданда жанып жатқан, деп нақтылады Төтенше жағдайлар департаментінен.