Павлодарда өрт шалған құдықтан ер адамның мәйіті табылды

ПАВЛОДАР. ҚазАқпарат - Павлодарда  жылу-оқшаулау құдығында өрт болды, деп хабарлайды pavlodarnews.kz.

«Қаладағы Ломов көшесі, 180 мекенжайы бойынша жылу-оқшаулау құдығында қоқыс, сондай-ақ аумағы 15 шаршы метр аумақтағы құбырлар жанды. Газ-түтіннен қорғау қызметінің бөлімі мен № 2 өрт сөндіру бөлімінің жеке құрамынан алты адам  және екі техника жұмыс істеді», - деді департаментте. Өрт сағат 00.11-де ауыздықталып, сағат 00.59-де сөндірілді.

«Өртті сөндіру кезінде 58 жастағы ер адамның мәйіті табылды. Алдын ала болжам бойынша, өрттің шығуына шылым шегу кезінде сақтық танытпау себеп болған», - деді баспасөз қызметінде.