Қолданушы баптаулары
Қолданушы баптаулары
+7 (701) 759 90 19 Лента
USD 369.36 EUR 431.30
RUB 5.45 CNY 53.80
Жаңалықтар

Павлодарда мекенжай анықтамасын сұраған 6 мектеп директоры жазаланды

2018 жылғы 12 қыркүйек 21:09 465
Бөлісіңіз:
Павлодарда мекенжай анықтамасын сұраған 6 мектеп директоры жазаланды

ПАВЛОДАР. ҚазАқпарат - Павлодар облысы сыбайлас жемқорлыққа қарсы іс-қимыл ведомствосы оқушылардан мекенжай анықтамасы және басқа құжаттарды талап еткен мектеп директорларына жаза қолданды, деп хабарлайды ҚазАқпарат тілшісі.

Ұқсас жаңалықтар
Асфендияров атындағы ҚазҰМУ жеті жылдық оқу мерзімін қысқартады Павлодарда ХI Президенттік олимпиаданың қалалық кезеңі өтті

«Департамент (Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаменті - Ред.) білім бөлімімен бірлесе Павлодардағы жалпы білім беретін орта мектептерде тексеріс жүргізді. Соның нәтижесінде, мектептер мекенжай анықтамасын және стандартта көрсетілмеген басқа да құжаттарды талап еткені анықталды», - деп мәлімдеді департаменттің баспасөз қызметі.

Өңірлік ведомство «Азаматтарға арналған үкімет» мемлекеттік корпорациясымен бірге талдау жүргізіп, Павлодар облысының шамамен бір жарым мың тұрғыны халыққа қызмет көрсету орталықтарына бір реттік анықтамалар және басқа да құжаттарды алу үшін жүгінетінін анықтады. Оқу жылының басында мемлекеттік корпорацияның филиалдарының алдында адамдар ұзын-сонар кезекке тұрған.

Олардың көпшілігі білім мекемелеріне беру үшін мекенжай анықтамасын алғаны белгілі болды.

«Осыған байланысты, стандартта белгіленбеген құжаттарды талап етіп, «Мемлекеттік қызметтер туралы» Заңның 5-бабының 2-тармағын бұзғаны үшін Павлодардың №№ 9, 11, 26, 29, 32, 41 жалпы білім беретін орта мектептерінің директорлары тәртіптік жазаға тартылды. Департамент Павлодар облыстық білім басқармасына білім ошақтары мен мектепке дейінгі білім мекемелерінде басқа мұндай жағдайдың қайталануына жол бермеу қажеттігі ескертілді», - делінген хабарламада.

Департамент тұрғындарды, анықтамалар және басқа да құжаттарды реттеуге асықпастан, мемлекеттік қызметтер стандартында көрсетілген құжаттар тізімімен дұрыстап танысып алуға шақырады.

 

 


Басты сөздер: Білім, Павлодар облысы,
Бөлісіңіз:
Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат