USD 436.29 EUR 492.83
RUB 5.92 CNY 68.48
Jańalyqtar

Павлодарда қараусыз жайылған мал жол апатына жиі себеп болады

2020 жылғы 28 тамыз 22:56
Бөлісіңіз:
Павлодарда қараусыз жайылған мал жол апатына жиі себеп болады

ПАВЛОДАР. ҚаАқпарат – Жыл басынан бері павлодарлық полицейлер иесіз жайылып жүрген 11 мыңнан астам малды айып тұрағына жіберді, деп хабарлайды ҚазАқпарат тілшісі.

Ұқсас жаңалықтар
Ақмола облысында жол апатынан 10 адам зардап шекті Павлодар облысында жол апатынан жүргізуші көз жұмды Павлодарда жаяу жүргінші жолағында екі адамды көлік қағып кетті

«Соңғы кездері азаматтардың мал жаюға жауапсыз қарау жағдайлары жиілеп кетті. Оған қоса, мал иелерінің оларды еш қиындықсыз асырауға деген ұмтылысы басқалар үшін проблемаға айналуда. Тіпті соңы қайғылы жағдайға апарып соғатын кездер де болады. Өйткені жолда иесіз жайылып жүрген үй жануарлары жол-көлік оқиғасына себепші болып жатады», – деді Павлодар облысы полиция департаментінің баспасөз қызметі.

Тәртіп сақшыларының мәліметінше, осындай апаттың салдарынан балалар ата-анасынан айрылған. Кешкілік мезгілде «ВАЗ-21014» автокөлігінің 32 жастағы жүргізушісі Ленин-Ертіс тасжолында жылқыларды қағып кетті. Олар жол бойында жайылып жүрген.

«Қайғылы апат салдарынан көлік жүргізушісі алған жарақатынан сол жерде қайтыс болды. 1990 жылы туған жұбайы ауруханада көз жұмды. 2014, 2015 және 2017 жылдары туған кәмелетке толмаған балалар түрлі жарақатпен ауруханаға жатқызылды, – деп толықтырды департаментте. – Мал иелерінің жауапсыздығынан, шопан жалдап, қаражат жұмсамауы салдарынан бір отбасының тағдыры тәлкекке ұшырап, үш бала жетім қалды».

Бүгінгі таңда облыс аумағында 142 айыппұл тұрағы жұмыс істейді. Тек соңғы аптаның өзінде айып тұрағына 90-нан астам мал басы айдап әкелінді. Олар еш қараусыз жайылып жүрген.



Біздің каналымызға жазылыңыз:

Бөлісіңіз:

Автор:

Гүлзат Ақжолова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT