11:22, 28 Желтоқсан 2020 | GMT +6
Павлодарда «Газель» жолаушысы жол апаты салдарынан ауруханаға түсті
ПАВЛОДАР. ҚазАқпарат – Павлодар мұнай-химия зауытына барар жолда «Audi» және «Газель» соқтығысып қалды, деп хабарлайды ҚазАқпарат.
«28 желтоқсанда сағат 07.45-те Павлодар мұнай-химия зауытына барар жолда «Audi» және «Газель» автокөліктері соқтығысқан», – деп хабарлады Павлодар облысы Полиция департаментінің баспасөз қызметі.
Апат салдарынан «Газель» автокөлігінің жолаушысы жарақат алып, ауруханаға түсті, дейді ақпарат көзі.
«Сараптама тағайындалды. Тексеру жүргізіліп жатыр», – деп атап өтті баспасөз қызметі.