10:13, 21 Қараша 2019 | GMT +6
Павлодарда әйелді көлік қағып мерт қылды
ПАВЛОДАР. ҚазАқпарат - Павлодарда жолдан өтіп бара жатқан әйелді көлік қағып мерт қылды, деп хабарлайды ҚазАқпарат тілшісі.
«20 қараша күні 17:15-те Мир көшесіндегі 12-ғимараттың қарсы алдында «Лада-Ларгус» автомашинасының 59 жастағы жүргізушісі реттелмейтін өткел арқылы жолдан өтіп бара жатқан 45 жастағы әйелді қағып кетті. Әйел оқиға орнында көз жұмған», - деп мәлімдеді Павлодар облыстық полиция департаментінің баспасөз қызметі.
Машина айып алаңына қойылды.
«Осы дерек бойынша ҚР Қылмыстық кодексінің 345-бабына сәйкес сотқа дейінгі тергеп-тексеру басталды. Жүргізуші Павлодар қаласының полиция басқармасының изоляторында», - деді полиция қызметкерлері.