Павлодарда автокөлік жаяу жүргіншіні қағып кетті

ПАВЛОДАР. ҚазАқпарат - Ломов көшесінде орын алған оқыс жағдай түсірілген видео әлеуметтік желіде пайда болды, жеп хабарлайды pavlodarnews.kz.

«Трамвай басқармасы» АҚ-ның баспасөз хатшысы Тимофей Голевтің айтуынша, № 1 қалалық аурухананың жанында болған жол апаты кеше сағат 17.05-те тіркелген. Оқыс оқиға рельсте болғандықтан, вагон 25 минуттай тұрып, 17.30-да қозғалыс қалыпқа келтірілген.

«Автомобиль жаяу жүргіншіні қағып өтіп, трамвай рельсіне шығып кеткен. Бірақ вагонға соғылмаған», - дейді Тимофей Голев.

Облыстық денсаулық сақтау басқармасының мәліметінше, 34 жастағы келіншек зардап шеккен.  Сағат 17.06-да түскен шақырту бойынша 17.12-де жедел жәрдем көлігі келіп жеткен. Оқиға орын алған жерден оң жақ жіліншігі сынған және сол жақ білегі жарақаттанды деген диагнозбен әйел адам облыстық клиникалық аурухананың шұғыл травматология бөліміне жатқызылған.