17:11, 07 Қазан 2019 | GMT +6
Павлодарда 71 жастағы жүргізуші жаяу жүргіншіні қағып кетті
ПАВЛОДАР. ҚазАқпарат - Павлодарда 71 жастағы жүргізуші жаяу жүргіншіні қағып кетті. Зейнет жасындағы зардап шегуші ауруханада көз жұмды, деп хабарлайды pavlodarnews.kz.
Облыстық полиция департаментінің мәлімдеуінше, оқиға 6 қазан күні орын алған. - Академик Бектұров көшесіндегі «Сенім» сауда үйінің алдында реттелмейтін жаяу жүргінші жолағында 71 жастағы «РАФ 2203» автокөлігінің жүргізушісі жаяу жүргіншіні қағып кетті, - деді департаменттің баспасөз қызметінде. – 1948 жылы туған зейнеткер әйел алған жарақатынан ауруханада көз жұмды.
Оқиғаға қатысты сот медициналық сараптама тағайындалды. Автокөлік айып тұрағына қойылды.
Департаменттің хабарлауынша, аталған факт бойынша ҚРҚК 3-бабы, 345 тармағына сәйкес сотқа дейінгі тергеу жүргізілуде.