Павлодарда 50 адамды алдап соққан алаяқ ұсталды

None
None
ПАВЛОДАР. ҚазАқпарат – Павлодарда 50 адамнан алдап ақша алған алаяқ қолға түсті. Оған сенген адамдар 10-200 мың теңге аралығында ақша аударған, деп хабарлайды ҚазАқпарат Pavlodarnews.kz-ке сілтеме жасап.

Бұл туралы Павлодар облыстық полиция департаменті мәліметіне қарағанда, Жамбыл облысының тұрғыны Instagram желісінде жалған есіммен парақша ашып, өзін қыз ретінде таныстырған.

«Ол ақшаны инвестициялық жобаларға салу арқылы қысқа мерзімде ірі табыстар табуды ұсынған. Жобаны айналымға енгізу үшін ер адам қаражатты «1Xbet» букмекерлік кеңсесіндегі шотына аударуды сұраған», - деді полиция департаменті басшысының орынбасары Рашад Өтеуов.

Полиция бүгінгі күні алаяқтық жасаған күдіктінің қолынан республика бойынша 50 адам зардап шеккенін атап өтті. Жәбірленушілер 10-нан 200 мың теңгеге дейін ақша салған. Алданғандардың ішінде алғашқылардың бірі Павлодар облысының тұрғыны болып шықты. Күдікті анықталып, ұсталды.
Аталған фактілер бойынша Қазақстан Республикасы ҚК-нің 190-бабы 2-тармағының 4-бөлігі бойынша сотқа дейінгі тергеу жүргізілуде.
Соңғы жаңалықтар