+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Павлодарда 40 млн теңге жымқырған «Шаңырақ» мәдени орталығының басшысы сотталды

2021 жылғы 1 қазан 16:33
Бөлісіңіз:
Павлодарда 40 млн теңге жымқырған «Шаңырақ» мәдени орталығының басшысы сотталды

НҰР-СҰЛТАН. ҚазАқпарат – Бюджеттен 40 млн теңге жымқырды деп айыпталған Паводар қаласындағы «Шаңырақ» халық шығармашылығы және мәдени-демалыс қызметі орталығының басшысы сотталды, деп хабарлайды ҚазАқпарат тілшісі.

Ұқсас жаңалықтар
Шымкентте екі қылмыстық топ мемлекетке 3 млрд теңге шығын келтірген

Бұл туралы ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Қайсар Баржақсынов Antikor ақпарат алаңында мәлім етті.

«21 қыркүйекте Павлодар қаласының №2 сотының үкімімен облыстық «Шаңырақ» халық шығармашылығы және мәдени-демалыс қызметі орталығының басшысы Аяпбергенова 7 жылға бас бостандығынан айырылды» деді агенттік тергеушісі.

Осы үкіммен «Шаңырақ» орталығының кассирі Әбішаева да 7 жыл мерзімге бас бостандығынан айырылыпты.

«Аталған тұлғалар әртістердің қызметтер көрсетуі туралы көрінеу жалған шарттар жасау арқылы 2017 жылдан бастап 2019 жылға дейінгі кезеңде 40 млн теңге сомасында бюджет қаражатын жымқырды деп күдіктенген. Аяпбергенова өмір бойы мемлекеттік қызметте қызмет атқару құқығынан айырылды, Әбішаева материалдық жауапкершілікке байланысты қызметпен 10 жыл мерзімге айналысу құқығынан айырылды. Үкім заңды күшіне енген жоқ», - деді ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Қайсар Баржақсынов.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT