+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Павлодар облысының әкімі апта сайын қабылдау өткізеді

2019 жылғы 14 қараша 16:09
Бөлісіңіз:
Павлодар облысының әкімі апта сайын қабылдау өткізеді

НҰР-СҰЛТАН. ҚазАқпарат - Павлодар облысында әлеуметтік мәселелерді шешуге 52 млрд теңге бөлінді. Бұл туралы өңір әкімі Болат Бақауов мәлімдеді, деп хабарлайды ҚазАқпарат тілшісі.

«Жалпы әлеуметтік мәселелерді шешуге бюджеттен 52 млрд теңге бөлінді. Жаңа формат бойынша атаулы әлеуметтік көмек 8 609 отбасына төленді. Жұмыспен қамту шараларына 20 мыңға жуық жұмыссыз және өзін-өзі жұмыспен қамтығандар тартылды. Жыл басынан бері 12 мыңнан астам жаңа жұмыс орны құрылды. Оның 9 мыңнан астамы - тұрақты жұмыс орындары», - деді әкім Орталық коммуникациялар қызметінде өткен баспасөз мәслихатында.

Сонымен бірге, әкім еңбек нарығындағы белсенді шаралар арқылы жұмыссыздық деңгейін 4,7% түсіргенін жеткізді.

«Халықты жеке қабылдау арқылы көптеген әлеуметтік мәселелердің шешімін тауып жүрміз. Мұның барлығы «Халықтың үніне құлақ асатын мемлекет» тұжырымдамасы аясында жасалып жатыр. Апта сайын әр сейсенбіде «Nur Otan» партиясына келіп, халықты қабылдаймын. Немесе тұрғындар Instagram арқылы, облыс әкімдігіндегі бейнеүндеу арқылы жүгіне алады. Ай сайын «Nur Otan» партиясында ардагерлер, мүгедектер, денсаулық сақтау мамандары, ұстаздар қауымы, қамқоршылық кеңес сынды халықтың белгілі бір топтарымен кездесемін. Облыстың өзге қалалары мен аудандарында да әкімдер дәл осылай кездесу ұйымдастырады, әлеуметтік желілерді белсенді пайдаланады. Біз халықтың өзекті мәселелерін білеміз және оларды тезірек шешуге тырысамыз», - деді әкім.

Айта кетейік, Павлодар облысының әкімі Болат Бақауов елордада 2019 жылдың 10 айындағы өңірдің әлеуметтік-экономикалық дамуы туралы есеп беруде. Бұған дейін әкім өңірдің экспорттық әлеуеті, инвестициялық жобалары туралы баяндаған болатын.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT