+7 (701) 759 90 19
USD 380.84 EUR 419.50
RUB 6.05 CNY 54.90
Jańalyqtar

Павлодар облысындағы жол учаскесінде олқылықтар анықталды

2019 жылғы 30 қазан 22:09
Бөлісіңіз:
Павлодар облысындағы жол учаскесінде олқылықтар анықталды

ПАВЛОДАР. ҚазАқпарат - Жол активтерінің ұлттық сапа орталығының мамандары Павлодар облысындағы «Майқайың – Екібастұз» жолының сапасын тексеріп, бірқатар заң бұзушылықтарды анықтады, деп хабарлайды ҚазАқпарат ИИДМ баспасөз қызметіне сілтеме жасап.

Ұқсас жаңалықтар
Елордадағы Қабанбай батыр даңғылы сегіз жолақты болады Ақмола облысында 412 шақырым жол жөнделді 2020 жылы Алматының шетіндегі 120 шақырым жолдың құрылысы басталады

«Барлық бұзушылық фактілері бойынша тапсырыс берушіге, мердігерге және уәкілетті органдарға бұзушылықтарды жою туралы хаттар жіберілді», делінген хабарламада.

Автомобиль жолдары комитетіне қарасты «Жол активтерінің ұлттық сапа орталығы» РМК баспасөз қызметінің мәліметінше, мамандар 2017 жылы пайдалануға берілген «Майқайың - Екібастұз» жолына барған. Жоба құны - 1 млрд 563,4 млн теңге.

Жалпы ұзындығы – 18 шақырым. Тапсырыс беруші - Павлодар облысының жолаушылар көлігі және автомобиль жолдары басқармасы, жұмысты істеген мердігерлер - «Гидропром» ЖШС және «Статус Люкс» ҚК.

«Бұл учаскелерде жолдың асфальтбетон жамылғысында жарықтар, шұңқырлар пайда болып, асфальт шытынауы байқалады. Осы уақытқа дейін де филиал қызметкерлері нысанға барып, жол-құрылыс материалдарын тексеріп, сынама үлгілерін: үстіңгі қабаттан 10 және төменгі жабын қабатынан 10 үлгі алды. Ал бұл жолды тексеру барысында алынған материалдар бойынша асфальттың қалыңдығы сәйкес келмеді, суға қанығу мен тығыздық коэффициенттері де дұрыс емес мөлшерде екені анықталды. Соның салдарынан асфальт қабынуға ұшырап жатыр», делінген хабарламада.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT