+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Павлодар облысында жол апатынан зардап шеккен бірнеше адамға көмек көрсетілді

2020 жылғы 2 шілде 18:32
Бөлісіңіз:
Павлодар облысында жол апатынан зардап шеккен бірнеше адамға көмек көрсетілді

ПАВЛОДАР. ҚазАқпарат - Облыстық апаттар медицинасы орталығының «Қалқаман» трассалық медициналық-құтқару бекетінің қызметкерлері жол-көлік апатына ұшырағандарға көмектесті, деп хабарлайды pavlodarnews.kz.

Ұқсас жаңалықтар
Ақмола облысында Түркия азаматы көлігімен локомотивке соғылды Ақтөбеде жедел жәрдем көлігі аударылып, бір жолаушы көз жұмды Алматыда троллейбус 4 көлікпен соқтығысты

Облыстық ТЖД баспасөз қызметінің мәлімдеуінше, кеше, 1 шілде күні сағат он бірде бірыңғай диспетчерлік пультіне Қызылорда - Павлодар автожолындағы Төртқұдық ауылының маңында көлік апатының орын алғандығы туралы хабарлама түскен.

- Жеңіл көліктің жүргізушісі рульден айырылып қалып, жолдан шығып кеткен, - дейді департаментте. - Көліктің ішінде жүргізушімен бірге оның әйелі және екі жасар ұлы болған. Апаттың салдарынан 1989 жылы туған ер адам маңдайын жарақаттап, миы шайқалған. Оның зайыбы да жабық ми жарақатын алып, маңдайын жаралаған. Сонымен бірге, әйел адамның оң жақ бұғанасы сынған. Екі жасар ұл баланың өмірі мен денсаулығына ешбір қауіп төнген жоқ.

Оқиға орнына жеткен құтқару бекетінің мамандары зардап шеккендерге жедел медициналық көмек көрсетті. Әйел адам облыс орталығына жеткізіліп, №1 қалалық ауруханаға жатқызылды.

Тағы бір жол-көлік апаты Омбы - Майқапшағай автожолындағы Әуелбек ауылының жанында орын алды. Бұл туралы хабар «112» телефон нөміріне кеше сағат 15:35-те келіп түсті. Зардап шеккендерге апаттар медицинасы орталығының көмегі қажет болған жоқ. Көліктің төрт жолаушысы, оның ішінде үш бала жолшыбай машинамен Ақтоғай аудандық ауруханасына жеткізілді. Тағы бір зардап шегушіге Әуелбек ауылдық амбулаториясының дәрігері жедел медициналық көмек көрсетті.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT