Павлодар облысында теріс қылық жасаған басқарманың басшысы қызметінен босатылды

ПАВЛОДАР. ҚазАқпарат – Павлодар облысы жолаушылар көлігі және автомобиль жолдары басқармасының басшысы қызметінен босатылды, деп хабарлайды ҚазАқпарат облыс әкімінің баспасөз қызметіне сілтеме жасап.

«Мемлекеттік қызметке кір келтіретін тәртіптік теріс қылықтар жасағаны үшін Ринат Қойсоймасов Павлодар облысы жолаушылар көлігі және автомобиль жолдары басқармасының басшысы қызметінен босатылды», делінген хабарламада.