Павлодар облысында разрезде жұмыс істеп жатқан механик қаза тапты

ЕКІБАСТҰЗ. ҚазАқпарат - Екібастұзда қаза тапқан механиктің өлімінің мән-жайы анықталды, деп хабарлайды ҚазАқпарат Pavlodarnews ресурсына сілтеме жасап.

Марқұм циклдік ағынды жабын учаскесінде электромеханик болып жұмыс істеген.

Облыстық ТЖД баспасөз қызметінің мәліметінше, 9 тамыз күні сағат 11:35-те «ЕЭК» АҚ «Восточный» разрезінде адам өлімімен аяқталған апат болған.

- Жөндеу жұмысы кезінде барабанның айналма білігі ығысып, бос барабанның айналма білігі электромеханикті № 1 ұсақтау цехының тіреуішіне қысып қалған, - дейді департамент.

Ер адам алған жарақатынан оқиға орнында көз жұмды.

Естеріңізге сала кетейік, облыстық еңбек басқармасы қайғылы жағдайға қатысты тергеу ұйымдастырылғанын хабарлаған болатын.

Фото: pavlodarnews.kz