+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Павлодар облысында коронавирустың кесірінен жүкті әйелдер бақылаусыз қалған

2021 жылғы 14 қыркүйек 18:57
Бөлісіңіз:
Павлодар облысында коронавирустың кесірінен жүкті әйелдер бақылаусыз қалған

ПАВЛОДАР. ҚазАқпарат - Павлодар облысында коронавирустың кесірінен жүкті әйелдер бақылаусыз қалған. Бұл туралы облыс әкімдігінде өткен аппараттық кеңесте өңірлік денсаулық сақтау басқармасының басшысы Айдар Сейітқазинов мәлім етті, деп хабарлайды ҚазАқпарат Раvlodarnews.kz-ке сілтеме жасап.

Ұқсас жаңалықтар
2025 жылға дейін кемінде 20 заманауи аурухана салынады – вице-премьер СҚО-да өткен тәулікте коронавирустан 5 адам қайтыс болды Павлодар облысында Ashyq көшбасшыларына түнгі екіге дейін жұмыс істеуге рұқсат берілді

- 8 айдың қорытындысы бойынша ана өлімінің бір жағдайы тіркелді, көрсеткіш 100 тірі туғандарға шаққанда 12,8-ге тең. Ал 2020 жылдың сәйкес кезеңінде ана өлімінің көрсеткіші 100 мың тірі туғандарға шаққанда 38,3 болған еді. Нәрестелер өлім-жітімінің көрсеткіші 1000 туғандарға шаққанда 7,4-ті құрады (36 жағдай).Бұл 2020 жылдың сәйкес кезеңімен салыстырғанда 25,4%-ға өскенін көрсетеді. Оның ішінде перинаталдық кезеңде туындаған өлім-жітім себептері: жүктілікті көтермеу және мерзімінен бұрын босану жағдайлары бар. Бұл жүкті әйелдермен жұмыс сапасының төмендігін көрсетеді, - дейді Айдар Сейітқазинов.

Оның айтуынша, 2020-2021 жылдары алғашқы медициналық-санитарлық көмек ұйымдары барынша коронавируспен күреске жұмылдырылған. Осылайша жүкті әйелдер бақылаусыз қалған.
- Қазіргі таңда жүктіліктің ерте сатысында есепке қою бойынша жұмыс күшейтілді. Ақпараттық технологиялар арқылы видео бақылау жүргізіледі. Бұл жерде әйелдердің қандай жұқпалы аурулармен ауырғаны және жүктілікті жоспарлау маңызды, - деді Айдар Сейітқазинов.

Облыс әкімі Әбілқайыр Сқақов ешбір жағдайға қарамастан балалардың жағдайы бірінші кезекте болуы керек екенін айтып өтті.
- Бұл ретте жедел түрде қателермен жұмыс істеу керек. Әйелдер консультациясы дәрігерлерінің біліктілігі қаншалықты жоғары? Ана мен бала өлімі - еліміздегі және өңірдегі медицина саласының көрсеткіші. Сондықтан әрбір жағдайды жеке талдау қажет. Жергілікті билік ана мен баланы қорғау бойынша арнайы оңалту бағдарламасын әзірлеп, медициналық ұйымдардың жабдықтаулын, ерлер кабинетін ашуды қарастыру керек, - деді аймақ басшысы.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT