+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Павлодар облысы Ертіс ауданында латын графикасына үйрету орталығы ашылды

2019 жылғы 19 маусым 09:34
Бөлісіңіз:
Павлодар облысы Ертіс ауданында латын графикасына үйрету орталығы ашылды

ЕРТІС. ҚазАқпарат - Павлодар облысының Ертіс ауданының орталығында «Болашаққа бағдар: рухани жаңғыру» бағдарламасы аясында латын графикасын үйрететін Tildes орталығы іске қосылды, деп хабарлайды pavlodarnews.kz.

Аудандық Мәдениет және тілдерді дамыту бөлімінің бас маманы Толғанай Рахметованың айтуынша, бұл өңірдегі латын әліпбиіне үйрететін алғашқы орталық.

«Мұндағы басты мақсат - әдістемелік материалдарды бір жерге жинақтап, латын графикасына қатысты жұмысты бірізді жүргізу, - дейді Толғанай Рахметова.

Оның сөзінше, қазіргі таңда мемлекеттік мекемелер мен кәсіпорындар, жеке тұлғалар латын графикасына құжаттарын көшіруде қиналады. Сондықтан осындай жағдайда оларға біздің орталықта көмек көрсетеді. 18 жастан бастап келетін қатысушылардың жасына шектеу қойылмайды және соңғы мақұлданған нұсқасы бойынша тегін оқытылады.

Жергілікті бюджеттен бөлінген 600 мың теңгеге жуық қаражатқа аудандық кітапхананың жанындағы кабинетке жөндеу жүргізіліп, қажетті құралдармен жабдықталған. Биылғы жылдың мамыр айында Нұр-Сұлтан қаласында арнайы курста біліктілігін арттырып келген қазақ тілі маманы Айсұлу Еспаева сабақ береді. Бір топта 20-30 адамнан аптасынан екі реттен қатысады.

«Алдағы уақытта жаз мезгілінде ауылдық аймақтарды аралап шығуды көздеп отырмыз. Тұрғындарды латын әліпбиін қолдануға дайындау мақсатында студенттердің арасында «Латынша үйренейік» акциясы мен «Жаңа емледегі жаңалықтар» айдары бойынша жұмыс істейміз», - дейді бас маман.

Айта кетерлігі, 16 мыңнан астам тұрғыны бар ауданның үш ауылында кіреберістегі стелланың жазуы мен батырлар алаңының мекенжайы латын әріптеріне ауыстырылған.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT