Павлодар облысы әкімдігіне шабуыл жасау фактісімен 3 қылмыстық іс тергелуде
Оның атап өтуінше, Павлодар облысы әкімдігінің ғимаратына шабуыл жасау және жаппай тәртіпсіздік ұйымдастыру фактісі бойынша 3 қылмыстық іс сотқа дейін тергеліп жатыр. 1 адамға қатысты тұтқынға алу түріндегі бұлтартпау іс-шарасы қабылданған. Қылмыстық істер одан ары тергелу үшін ҚР ҰҚК Павлодар облыстық департаментіне берілген.
«Бұзақылардың қылмыстық іс-әрекеті салдарынан облыс әкімдігіне келген шығын 2 млн теңгеден асып жығылады», - деді Рашад Өтеуов.
Айта кетерлігі, қаңтар оқиғасы кезінде жаппай тәртіпсіздіктерге қатысушылар, азаматтық тұлғалар, құқық қорғау органдары қызметкерлері арасында қаза тапқан жоқ. Облыс аумағында дүкендерді тонау, қару-жарақ пен оқ-дәрілерді ұрлау, тонау, шағын және орта бизнес нысандарын қирату фактілеріне жол бермеді.