Павлодар ауылында жаңа спорт кешені ашылды

None
None
ПАВЛОДАР. ҚазАқпарат - Тұңғыш Президент күні қарсаңында таныстырылған жаңа спорт нысаны «Barys» деп аталады, деп хабарлайды ҚазАқпарат pavlodarnews.kz порталына сілтеме жасап.

Бұрын 6 мыңға жуық адам тұратын Павлодар ауылының халқы мектеп бөлмелерінде және «Нұртас» балалар-жастар клубында спортпен шұғылданатын. Алайда, ауылдың дамуына және халықтың көптеп келуіне байланысты бұл алаңдар жеткіліксіз болды.

Республикалық бюджеттен жаңа дене шынықтыру-сауықтыру кешенінің құрылысына 160 миллион теңге бөлінді. ДСК бес ай бұрын салынды.

- Бұл кешен Павлодар ауылы үшін аздық етеді, болашақта біз үлкен спорт ғимараттарын саламыз, - деп атап өтті Павлодар облысының әкімі Болат Бақауов. - Жақын арада ауыл тұрғындары «Спорт Сити» спорт кешенінде спортпен шұғылдана алады. Павлодарское ауылының тұрғындарына спорттық қалашыққа жету облыс орталығының кейбір шағын аудандарының тұрғындарына қарағанда оңай болады.

Жаңа спорт нысанында волейболдан әуесқой командалар арасында Павлодар, Мойылды, Кенжекөл және Ленин ауылдарынан келген командалар арасында жарыс өтті. Болашақта мұнда спорттың ойын түрлерін дамыту жоспарлануда.

- Бұл жерде футбол, баскетбол, волейбол және үстел теннисі туралы айтылып отыр, - дейді «Barys» дене шынықтыру-сауықтыру кешенінің директоры Ерболат Канкин. - Сонымен қатар, біз ауыл тұрғындарын үлкен тенниске жаттықтырғымыз келеді. Мұнда қарт адамдар да спортпен айналыса алады.

Кешен аумағында көше жарығы, 16 воркаут-тренажер орнатылды. Ғимарат ішінде медицина қызметкері, басшы және жаттықтырушы кабинеттері толық жабдықталған.

Соңғы жаңалықтар