+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Пәтерлер иелерінің кооперативтері қалай қосымша табыс табады

2021 жылғы 23 ақпан 14:25
Бөлісіңіз:
Пәтерлер иелерінің кооперативтері қалай қосымша табыс табады

НҰР-СҰЛТАН. ҚазАқпарат – ҚР Индустрия және инфрақұрылымдық даму министрлігі құрылыс және тұрғын үй-коммуналдық шаруашылық істері комитеті төрағасының орынбасары Еркебұлан Дауылбаев көппәтерлі тұрғын үйлерден қосымша табыс табу жолдарын түсіндірді, деп хабарлайды ҚазАқпарат тілшісі.

Ұқсас жаңалықтар
Алматының «Жас қанат» шағынауданында көпқабатты үйлердің құрылысы басталды Биыл Нұр-Сұлтанда 7 мың үлескер баспаналы болады Қайырбек Өскенбаев: Баспана бағасы түпкілікті тұрақтанады

«Іс жүзінде пәтерлер иелерінің кооперативтерінің, басқарушы компаниялардың басшылары және көппәтерлі тұрғын үйлерді басқарумен айналысатын басқа да тұлғалар, пайдаланудағы ортақ мүліктің жекелеген бөліктерін жалға немесе пайдалануға беру арқылы қосымша табыс таба алады. Мұны пәтерлердің, тұрғын емес үй-жайлардың меншік иелері білмеуі мүмкін. Сондықтан пәтер, тұрғын емес үй-жайлар иелері, жаңадан құрылған мүлік иелері бірлестіктері мен жай серіктестіктер көппәтерлі тұрғын үйдің қандай табыс пен пайда әкелетінін білуі маңызды», - деді Е. Дауылбаев Орталық коммуникациялар қызметінде өткен баспасөз мәслихатында.

Оның айтуынша, табыстың негізгі көздері – жарнама, жабдықтарды орнату және үй-жайларды жалға беру.

«Осылайша, лифтідегі және үй сыртындағы жарнамалар, төбеде орнатылған антенна немесе басқа жабдықтар көппәтерлі тұрғын үйдің қосымша табысы бола алады. Қосымша кірістер кондоминиум объектісінің ортақ мүлкін басқаруға және күтіп-ұстауға жұмсалуы тиіс және бұл туралы ақпарат әрбір тұрғынға берілетін ай сайынғы есепте көрсетілуі қажет.

Басқарудың жаңа формаларын енгізу әрбір көппәтерлі тұрғын үйдегі пәтер иелерінің, тұрғын емес үй-жайлардың мүдделерін қорғауға, кондоминиум объектісінің ортақ мүлкін күтіп-ұстау сапасының деңгейін арттыруға мүмкіндік береді, бұл тұтастай алғанда тұрғын үй қорының сақталуын қамтамасыз етеді», - деді Еркебұлан Дауылбаев.

Айта кетейік, 2020 жылдың басынан бастап «Кейбір заңнамалық актілерге тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» ҚР Заңы күшіне енді. Биылғы 22 ақпандағы жағдай бойынша көппәтерлі тұрғын үйді басқару бойынша 1 735 ұйым құрылған.

Басқарудың ескі формалары 2022 жылдың 1 шілдесіне дейін өз қызметін жалғастырады. Осы мерзім аяқталған соң Қазақстан Республикасының заңнамасында белгіленген тәртіппен жою рәсімін жүргізуі тиіс.

Бұған дейін Еркебұлан Дауылбаев басқарудың жаңа формаларына көшу алгоритмін және мүлік иелері бірлестігін құрудың артықшылықтарын түсіндірген еді.




Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT