Валюта бағамдары:
    usd/kzt 465.95 eur/kzt 485.43

    rub/kzt 7.72 cny/kzt 65.28
Ауа райы:
Нұр-Сұлтан: +2+4℃
  Jańalyqtar  >

Парижде Роза Бағланованың 100 жылдығына арналған концерт өтеді

2022 жылғы 15 қыркүйек, 17:00

НҰР-СҰЛТАН. ҚазАқпарат – Қазан айында Париждегі ЮНЕСКО штаб-пәтерінде әншінің 100 жылдығына арналған мерейтойлық концерт өтеді, деп хабарлайды ҚазАқпарат Мәдениет және спорт министрлігінің баспасөз қызметіне сілтеме жасап.

«2022 жылдың 1 қаңтарында аты аңызға айналған әнші Роза Бағланова 100 жасқа толады. Қазақстан мен КСРО Халық әртісі, Қазақстанның халық батыры, Екінші дүниежүзілік соғыс майдандарында жауынгерлерге концерт қойған. Ол біздің елімізде және шетелде әнсүйер қауым арасында әлі де танымал. Оның есімін мәңгі есте сақтау үшін іс-шаралар қабылдауды тапсырамын», - деп тапсырма берген еді Мемлекет басшысы.

Мәдениет министрлігінің хабарлауынша, Роза Бағланованың 100 жылдық мерейтойын өткізу жөніндегі жалпыреспубликалық жоспар әзірленген. Онда концерттер, көрмелер, фильмдер көрсетілімі секілді 2022 жылға жоспарланған 41 іс-шара бар.

«Күні кеше ғана Мәскеуде фотокөрме ұйымдастырылып, мерекелік концерт өтті. Қазан айында Париждегі ЮНЕСКО штаб-пәтерінде әншінің 100 жылдығына арналған мерейтойлық концерт өтеді», - дейді министрліктен.


Автор:

Айжан Серікжанқызы

Новости по теме
Ұқсас жаңалықтар
Серіктестер жаңалықтары