Паралимпиада-2020: Дзюдошы Теміржан Дәулет жартылай финалда жеңіске жетті, үшінші медаль қоржында

ТОКИО. КАЗИНФОРМ – Токиода өтіп жатқан Паралимпиада ойындарында Қазақстан спортшылары дзюдодан бақ сынауда, деп хабарлайды ҚазАқпарат.

Жартылай финалдағы кездесуда 73 келіге дейінгі салмақ дәрежесінде Теміржан Дәулет грузин Георгий Калданимен кездесті. Ол қарсыласын иппонмен жеңді. Осылайша қазақстандық дзюдошы финалға шықты, онда кемінде күміс медаль алады.

Ақтық сын кешкі сессияда елорда уақытымен 13:00-де өтеді.