+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Параазиялық ойындардың жүлдегерлері ОҚО әкімінен ақшалай сыйақы алды

2014 жылғы 10 қараша 21:58
Бөлісіңіз:

ШЫМКЕНТ. ҚазАқпарат - Параазиялық ойындардың жүлдегерлері ОҚО әкімінен ақшалай сыйақы алды.

Шымкентте Параазиялық ойындардың жүлдегерлеріне құрмет көрсетілді. «Ел құрамасына оңтүстікқазақстандық бес спортшы: Бекжан Есіркепов, Анастасия Соболева, Мансұрбек Ибрашев, Дәренбай Нарбеков, Александр Родионов кірді. Олардың ішінде екеуі аймағымыздың атын шығарып, сол үшін ақшалай сыйақыға ие болды», - деп баяндады облыстық әкімдіктің баспасөз қызметінен.

Ақша сертификаттарын ОҚО әкімінің орынбасары Сәкен Қаныбеков табыстады. Жүзуден қола жүлде алған Мансұрбек Ибрашевке 500 мың теңге сомасына сертификат табыс етілді. Параазиялық ойындардың жүзуден екі дүркін чемпионы болған Бекжан Есіркеповке 1 млн. теңгеге сертификат берілді. Қалған спортшыларға Алғыс хаттары берілді. Сәкен Қаныбеков спортшыларға алғысын айтып, алдағы спорттық жолдарында табыстарға жете берулерін тіледі.

Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT