USD 436.29 EUR 492.83
RUB 5.92 CNY 68.48
Jańalyqtar

Пандемияның өнер саласына да тигізген зардабы аз болған жоқ – Мәулен Әшімбаев

2021 жылғы 28 қазан 23:06
Бөлісіңіз:
Пандемияның өнер саласына да тигізген зардабы аз болған жоқ – Мәулен Әшімбаев

НҰР-СҰЛТАН. ҚазАқпарат – Театр – адамды мәдениеттің биігіне жетелейтін өнер ордасы. Сондықтан ол жерге көрермен болып барудың өзі үлкен жауапкершілік. Бұл пікірі бүгін өзіінің Facebook парақшасында ҚР Парламент Сенатының төрағасы Мәулен Әшімбаев жазды, деп хабарлайды ҚазАқпарат.

Ұқсас жаңалықтар
Субсидиялау жүйесі ірі агроқұрылымдардың игілігі үшін жұмыс істеп тұр - Мұхтар Жұмағазиев «Ветеринария» мамандығын бітіргендердің  қанша пайызы жұмысқа орналасты Соңғы үш жылда елімізде ветпрепараттардың жартысы импортталған

«Театр – адамды мәдениеттің биігіне жетелейтін өнер ордасы. Сондықтан ол жерге көрермен болып барудың өзі үлкен жауапкершілік. Бүгін «Астана Опера» мемлекеттік опера және балет театрында «Қыз Жібек» операсын тамашалап отырып, осы бір дүниеге кезекті рет көз жеткіздім.

Қойылым бүгін ресми түрде ашылған «TEATR ALL-2021» халықаралық театр фестивалі аясында сахналанды. Фестивальдің «Қыз Жібек» операсымен ашылуы тегін емес. Өйткені, былтыр ғана осы жырдың желісімен түсірілген әйгілі фильмге 50 жыл толды. Оның үстіне, қазақ өнерінің дамуына өлшеусіз үлес қосқан композитор Евгений Брусиловскийдің аталған шығармасы ұлттық операмыздағы шоқтығы биік туындылардың бірі. Сол себепті, бұл жолы да, әдеттегідей, асқақ өнердің озық үлгісіне куә болдық. Осы ретте «Астана Опера» әртістерінің кәсіби шеберліктері мен біліктіліктерін ерекше атап өткен жөн»,-деді Сенат төрағасы.

Оның айтуынша, тәуелсіздігіміздің 30 жылдығына орай Нұр-Сұлтан қаласының әкімдігі ұйымдастырған өнер фестивалі бір аптаға жалғасады. Оған еліміздің жетекші театрлары қатысып жатыр.

«Елордамыздағы драма, мюзикл, опера, балет, жастар театрлары сияқты іргелі өнер ұжымдары да көрермендерге өз қойылымдарын тарту етеді. Сондай-ақ, фестиваль аясында түрлі көрмелер мен шеберлік сабақтары өткізілмек. Яғни, астаналықтарға апта бойы өнердің саф түрімен сусындап, рухани ләззат алуға мол мүмкіндік бар.

Пандемияның өнер саласына да тигізген зардабы аз болған жоқ. Сондықтан осындай игілікті істердің арқасында сол олқылықтардың орны толып, елімізде театрға барушылардың қатары көбейеді деп сенеміз. Бұл ұлттық сананың өсуіне де ықпал ететін маңызды қадам екені сөзсіз. Соған байланысты фестиваль өткізіп, қала тұрғындары мен қонақтарына, жалпы өнерсүйер қауымға керемет мүмкіндік сыйлаған барша ұйымдастырушыларға алғысымызды білдіреміз. Қазақ театр өнері жасай берсін!»,-деді Мәулен Әшімбаев.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT