+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Пандемиядан зардап шеккен кәсіпкерлерге қолдау көрсетіледі - Маңғыстау

2020 жылғы 23 қазан 14:33
Бөлісіңіз:
Пандемиядан зардап шеккен кәсіпкерлерге қолдау көрсетіледі - Маңғыстау

АҚТАУ. ҚазАқпарат – Пандемия кезінде зардап шеккен маңғыстаулық кәсіпкерлерге мемлекеттік қолдау көрсетіледі, деп хабарлайды ҚазАқпарат тілшісі.

Ұқсас жаңалықтар
Шетелден ұшып келген 2 адамнан коронавирус анықталды Қазақстанда 710 бала коронавирустан емделіп жатыр 474 қазақстандық коронавирустан жазылды

Өңірлік коммуникация орталығында өткен брифингте Маңғыстау облыстық сауда және кәсіпкерлік басқармасы басшысының міндетін атқарушы Мұқанбетжан Көбеген «Бизнестің жол картасы - 2025» мемлекеттік бағдарламасына өзгерістер енгізілгенін жеткізді. Осылайша, бағдарлама аясында несие берудің пайыздық мөлшері 6 пайызға төмендетілді.

«Бүгінгі күнгі енгізілген өзгерістер бойынша несиелерін жоғары пайызбен төлеп отырған шағын және орта кәсіпкерлік өкілдері, мемлекеттен бөлінетін субсидияны пайдалана отырып, несие мөлшерін төмендетуге мүмкіндігі бар. Бұл 29 түрлі салада жұмыс істеп жүрген жандарды қамтиды. Олар автосалондар, автомобильдерге техникалық қызмет көрсету орталықтары, мейрамханалар, тамақ өнімдерін жеткізу қызметі, туристік агенттіктер, мектепке дейінгі білім беру, орта білім беру саласы, дәрігерлік практика және стоматология саласындағы қызмет, фитнес клубтар, тоқыма және химиялық тазалау қызметі, шаштараз және сұлулық салондар мен жылжымайтын мүлікті жалға беру қызметі»,- деді Маңғыстау облыстық сауда және кәсіпкерлік басқармасы басшысының міндетін атқарушы Мұқанбетжан Көбеген.

«Даму» кәсіпкерлікті дамыту қорының Маңғыстау облысы бойынша басшысы Гүлжан Қалымбетованың айтуынша, кәсіпкерлер қазан айының 30-на дейін өтініш жібере алады.

«Мемлекеттен қолдау алу үшін кәсіпкерлер 30 қазанға дейін банкке өтінім беруі қажет. Банк оларға несие беру бойынша қызмет көрсетеді. Содан соң «Даму» қоры банктер берген тізімдер мен сауалнама-өтініштер негізінде 5 жұмыс күнінен аспайтын мерзімде субсидиялау мүмкіндігі туралы шешім қабылдайды», - деді Гүлжан Қалымбетова.

Бағдарламаға қатысудың басты шарты - кәсіпкерде 2020 жылдың 16 наурызы күнін есепке алғандағы мерзімде 180 күннен асқан несие берешегі болмауы керек.


Біздің каналымызға жазылыңыз:

Бөлісіңіз:

Автор:

Қаракөз Марат

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT