+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Пандемия кезінде мемлекеттік сатып алу процесін оңтайландыру құрылыс саласындағы тиімді шешім – маман

2020 жылғы 11 шілде 15:00
Бөлісіңіз:
Пандемия кезінде мемлекеттік сатып алу процесін оңтайландыру құрылыс саласындағы тиімді шешім – маман

НҰР-СҰЛТАН. ҚазАқпарат – Қазақстан құрылысшылар одағы төрағасының орынбасары Серікжан Мергенбаев елдегі төтенше жағдай кезінде Үкімет тарапынан құрылыс саласы бойынша қабылданған шараларға қатысты өз пікірімен бөлісті, деп хабарлайды ҚазАқпарат тілшісі.

«Кеңейтілген отырыста көтерілген мәселелермен оны шешудегі Мемлекет басшысының ұсыныстары орнықты деп ойлаймын. Иә, Президент біраз билік басындағыларға ескерту жасап, жұмыстарына сын айтты. Және проблемаларды шешу үшін Үкіметке 2 апта уақыт бергені де әділ шешім деп ойлаймын. Себебі Президент пандемиямен күреске тиісті қаражаттың уақытылы бөлініп, дегенмен құзырлы мекемелердің дер кезінде нақты шаралар қабылдамағандығын баса айтты. Ол қателік бүгінде төтенше жағдайдың екінші кезеңіне алып келіп, қайта карантин жүйесін орнатуға әкеліп отыр. Ал бизнес өкілдері өз тарапынан халық алдындағы әлеуметтік жауапкершілікті сезініп, жұмысшыларды қысқартпай, жалақысын төлеп қолдан келгенше жағдай жасап отыр. Дегенмен былай үздіксіз жалғаса беруі мүмкін емес, бизнесті одан әрі дамыту үшін пайда, түсім болу керек», - деп өз ойымен бөлісті С. Мергенбаев.

Оның айтуынша, Мемлекет басшысының бизнес иелерін уақытша салықтан босату сәтті идея және осы сала өкілдері үшін айтарлықтай қолдау болды.

«Өз салам бойынша айтар болсам. Құрылыс саласында мемлекеттік сатып алу туралы заң жобасына өзгерістер енгізілді. Соның негізінде бұрын мемлекеттік сатып алу процесі 2-3 айға созылатын болса, қазір небәрі 7 күннің ішінде шешім шығады. Пандемия кезінде мемлекеттік сатып алу процесінің оңтайландырылуы құрылыс саласындағы тиімді шешім болып отыр. Және әрбір құрылыс компаниясы өз шама-шарқына қарап құрылыс нысандарын салуға өтінім береді. Бұл жердегі бір айтып өтетін мәселе аталған заңнамалық өзгеріс осы жылдың тамыз айына дейін ғана жарамды. Осы орайда біздің одақ Мемлекет басшысына жылдың соңына дейін созу туралы үндеу жолдадық. Президентке үндеу жолдамас бұрын еліміздің барлық өңірлеріндегі құрылысшылар арасында сауалнама жүргізіп олардың пікірін білдік, нәтижесінде құрылыс саласындағы мемлекеттік сатып процесіне енгізілген жаңа тәртіпті жылдың соңына дейін ұзарту туралы өтініш білдіруге бір ауыздан келістік. Үндеуіміз өз нәтижесін береді деп үміттенеміз», - деді ол.

Айта кетсек, кеше ҚР Президенті Қасым-Жомарт Тоқаевтың қатысуымен Үкіметтің кеңейтілген отырысы өтті.


Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT