+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Пандемия басталғалы бері 1800-ден астам фейк ақпарат әшкереленді

2021 жылғы 27 қыркүйек 13:22
Бөлісіңіз:
Пандемия басталғалы бері 1800-ден астам фейк ақпарат әшкереленді

НҰР-СҰЛТАН. ҚазАқпарат - Пандемия басталғаннан бері 1 800-ден астам фейк ақпарат әшкереленді. Бұл туралы «Astana Media Week – 2021» медиа апталығы аясындағы «Медианы дамыту стратегиясы» атты дөңгелек үстел барысында ҚР Ақпарат және қоғамдық даму вице-министрі Кемелбек Ойшыбаев айтты, деп хабарлайды ҚазАқпарат тілшісі.

Ұқсас жаңалықтар
Елімізде газет-журналға жазылушылардың қатары азайып келеді ДСМ темекі жарнамасын бақылауға алмақшы «Дені сау ұлт»: 2025 жылға дейін елімізде 19 «ерте араласу» орталығы салынады

«Ең алдымен ақпараттық технологиялардың қарқынды дамуы тек қана аудиторияның қалауын ғана емес, сонымен бірге саланың негізін де өзгертіп жатқанын көріп отырмыз. Цифрлық технологиялар дамығаннан кейін ақпарат БАҚ-тың монополиясы болудан қалды және ақпарат біржақты таратылмайды. Яғни, интернет пен әлеуметтік желінің дамуы себепті БАҚ-та монополия жоқ. Ендігі уақытта БАҚ бұқаралық ақпарат құралынан бұқаралық коммуникация қызметіне айналып барады. Яғни, өзінің қызметін өзгертуде. Қазіргі уақытта БАҚ қызметі бұрынғыдай ең алдымен ақпараттандыру емес. Қазіргі уақытта әлеуметтік желінің кез келген қатысушысы ақпарат таратады», - деді ол.

Оның атап өтуінше, қазіргі уақытта БАҚ-тың негізгі қызметі белгілі бір ақпараттың мән-жайын нақтылау, сарапшыларды тарту арқылы орын алған жайтты түсіндіру және қаже болған жағдайда ақпаратты терістеу болып отыр.

«Біз байқап отырған екінші өзгеріс пандемия халықпен өзара іс-қимылдың стратегиясы мен жаңа әдістерін қайта қарау қажеттігін жеделдетті», - деді вице-министр.

Кемелбек Ойшыбаев пандемия көптеген өсек-аяңның туындауына, фейктердің таралуына түрткі болды және бұл көптеген елдер үшін күрделі проблемаға айналды.

«Біздің міндетіміз қоғам қорқынышымен күресу болды. Әдістерді өзгертуге де тура келді. Бұрынырақ та аз болмаған фейктер өткір маңызға ие болып, олардың таралуы арта түсті. Тіпті Stopfake.kz арнаулы ресурсын құруымызға да тура келд. Жоба «медиаға арналған медиа» қағидатымен жұмыс істейді. Күн сайын сайт материалдарын ірі басылымдар көшіріп басады. Пандемия басталғаннан бері, коронавирус, пандемия, вакцинация және жалпы Қазақстан туралы 1 800-ден астам фейк әшкереленді», - деді ол.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT