13:50, 14 Шілде 2018 | GMT +6
Пәкістанның экс-премьері Наваз Шариф әуежайда ұсталды
АСТАНА. ҚазАқпарат - Пәкістанның бұрынғы премьер-министрі Наваз Шариф пен оның қызы Әбу-Дабиден ұшып келген бойда Лахор қаласының әуежайында ұсталды, деп хабарлайды Анадолы агенттігі.
Бұған дейін сот Шарифті сыбайлас жемқорлық бойынша сырттай он жылға бас бостандығынан айырып, 8 миллион фунт көлемінде айыппұл салған еді.
Экс-премьердің қызы Марьям Навазға 7 жылға бас бостандығынан айыру жазасы кесілді. Сондай-ақ, 2 миллион фунт айыппұл төлеу міндеттелді.
Наваз Шариф төрт рет Пәкістан үкіметінің басшысы атанған. Аталмыш қызметке соңғы рет бұл лауазымды 2013 жылы атқарған болатын.