Пәкістандағы жарылыстан қаза тапқандар саны 32 адамға жетті
2023 жылғы 30 қаңтар, 17:36
АСТАНА. ҚазАқпарат – Пәкістанның Ауғанстан шекарасына жақын Пешавар қаласындағы мешітте болған жарылыстан қаза тапқандар саны 32 адамға жетті, деп хабарлайды ҚазАқпарат Reuters агенттігіне сілтеме жасап.
Жарылыстан зардап шеккен 100-ге жуық адам ауруханаға жеткізілген, соның ішінде 10 адамның жағдайы ауыр.
Жарылысты жанкешті түскі намаз кезінде өзін жарып жіберген. Ол кезде мешітте шамамен 250-дей адам болған. Мешіт учаскелік полиция бөлімшесінің жанында орналасқан.
Бұған дейін жарылыстан 19 адам қаза тапқаны туралы хабарлаған болатынбыз.
Фото: REUTERS
Сондай-ақ... оқыңыз
Серіктестер жаңалықтары
TOP
