Өзімнің және жақындарымның қауіпсіздігі үшін вакцина алдым – 17 жастағы студент

None
None
ОРАЛ. ҚазАқпарат – Өзімнің және жақындарымның қауіпсіздігі үшін вакцина алдым. Бұл туралы «Мақсат» медицина колледжінің 1 курс студенті Ботакөз Ізтелеуова мәлім етті, деп хабарлайды ҚазАқпарат тілшісі.

Ботакөз бүгін Зачаган кентіндегі №6 емханада Pfizer компаниясының Comirnaty вакцинасымен егілді.

Ол бірінші компонентті алғаннан кейін өзін жақсы сезінетінін жеткізді.

«Жасым 17-де. Осы Орал қаласында тұрамын. Жақындарымның бәрі екпе алды. Менің де вакцина алуыма ата-анам рұқсатын берді. Бұл – түптеп келгенде, бәріміздің қауіпсіздігіміз үшін керек. Өзім «Мақсат» медицина колледжінде мейіргер ісі мамандығына оқып жатырмын. Алдағы уақытта осы салада білімімді жетілдіріп, халықтың денсаулығын нығайту жолында еңбек еткім келеді», деді Б.Ізтелеуова.

Еске сала кетейік, бұдан бұрын Батыс Қазақстанға 29 250 доза Pfizer вакцинасы жеткізілгенін, өңірде балалар арасында тұмауға шалдығу жиілегенін, вакцина алғандар саны 246 мыңнан асқанын жазған болатынбыз.

Сондай-ақ Батыс Қазақстанда Pfizer вакцинасын егу басталды.







Соңғы жаңалықтар